അദ്ദിക്ർ

വിവാഹമുക്തകള്‍ അവരുടെ ഇദ്ദ പൂര്‍ത്തിയാക്കിയാല്‍ അവരെ നല്ല രീതിയില്‍ നിലനിര്‍ത്തുകയോ അല്ലെങ്കില്‍ അറിയപ്പെട്ട ന്യായമായ രീതിയില്‍ വേര്‍പെടുത്തുകയോ ചെയ്യുക, നിങ്ങളില്‍ നിന്നുള്ള രണ്ട് നീതിമാന്മാരെ അതിന് സാക്ഷ്യം വഹിപ്പിക്കുകയും ചെയ്യുക, അവര്‍ അല്ലാഹുവിനെ സാക്ഷ്യപ്പെടുത്തിക്കൊണ്ട് സാക്ഷ്യം നിലനിര്‍ത്തുകയും ചെയ്യട്ടെ, അതാണ് അല്ലാഹുവിന് അവനെക്കൊണ്ടും അന്ത്യദിനത്തെക്കൊണ്ടും വിശ്വസിച്ച നിങ്ങളോട് ഉപദേശിക്കാനുള്ളത് എന്നും, ആരാണോ അല്ലാഹുവിനെ ഹൃദയത്തില്‍ സൂക്ഷിച്ചത്, അവന് ഒരു പോംവഴി കാണിച്ച് കൊടുക്കുന്നതാണ് എന്നും 65: 2 ലും, അല്ലാഹുവിനെ ഹൃദയത്തില്‍ സൂക്ഷിക്കുന്നവര്‍ക്ക് സത്യാസത്യ വിവേചന ഉരക്കല്ല് നല്‍കുന്നതാണ് എന്ന് 8: 29 ലും പറഞ്ഞിട്ടുണ്ട്. 65: 2 ല്‍ പറഞ്ഞ പോംവഴിയും 8: 29 ല്‍ പറഞ്ഞ ഉരക്കല്ലും അദ്ദിക്ര്‍ തന്നെയാണ്. നിശ്ചയം ഇത് സ്പഷ്ടമായ ഗൗരവമേറിയ വാക്കുകള്‍ തന്നെയാണ്, ഇത് തമാശയല്ല എന്ന് 86: 13-14 സൂക്തങ്ങളിലും; കാഫിറുകള്‍ സത്യത്തില്‍ മിഥ്യ കടത്തിക്കൂട്ടുന്നതിനുവേണ്ടി മിഥ്യകൊണ്ട് തര്‍ക്കിച്ചുകൊണ്ടിരിക്കുന്നു, അവര്‍ എന്‍റെ സൂക്തങ്ങളും താക്കീതുകളും പരിഹാസമായി കാണുകയും ചെയ്യുന്നു എന്ന് 18: 56 ലും; എന്‍റെ സൂക്തങ്ങളെയും എന്‍റെ പ്രവാചകന്മാരെയും പരിഹാസപാത്രമായി തെരഞ്ഞെടുത്തിരിക്കുന്നതിനാല്‍ കാഫിറുകള്‍ക്കുള്ള പ്രതിഫലം നരകക്കുണ്ഠമാണ് എന്ന് 18: 106 ലും പറഞ്ഞിട്ടുണ്ട്. 56: 81 ല്‍, നിങ്ങള്‍ ഈ വര്‍ത്തമാനത്തെ (അദ്ദിക്റിനെ) ലാഘവത്തോടുകൂടി എടുക്കുകയാണോ എന്ന് ചോദിക്കുന്നു. 2: 85, 165-167; 31: 6; 39: 55-59 വിശദീകരണം നോക്കുക.